بتزايدوا ليه بالدين .. فرقتوا مصرين
لأ ونعم رأي .. صوتي ماهوش هيضيع
سيبني اقول رأيي .. الحق دا حقي
رافض و مش هقبل .. و الفكر مش للبيع

اخويا كان بيموت .. هو شهيد و برئ
وانتوا كمان موتوا .. لكن على الصناديق
في الثورة جمعّنا حِلم وأمل واحد
كُنا فريق واحد ،، دلوقت ألف فريق

إخوان سلف كنبة نُخبة مُعارضة فلول
والشِعب تاه بينكم ادولوا حق يقول
الرأي من فِكره علشان بلادنا تعيش
كُل الملوك بتموت مهما السنين بتطول

ماتت قلوب الناس ماتت ضمايركم
فيه أخ قاتل أخوه غدراً قصاد عينكم
لهيتونا بالدستور وكراسي مُش دايمة
كُنا إحنا في الميادين ، طب كُنتو فين إنتم